麵屋武蔵 武骨相傳 (朗豪坊)

营业中

休息中

之前同朋友去旅行𠮶阵，朋友一路话好想食拉面，所以今次就同佢一齐去咗朗豪坊食拉面。我地叫左个拉面套餐$138，有一碗拉面、一份武藏饺子/武藏炸鸡，同埋名为曙光嘅酱油果冻柑橘啫喱特饮。呢个拉面套餐嘅拉面汤底系用左豚肉、鸡肉同埋鱼介，叉烧亦都用上慢煮伊比利亚猪肉，加上自家炼制虾油，味道层次丰富。连只蛋都唔简单，系用左红酒渍溏心蛋，食落仲好流心。小食方面我地拣左武藏炸鸡，外面香脆得黎，入面嘅鸡肉好嫩滑，几有惊喜。酱油果冻柑橘啫喱特饮入面有啲咸咸地嘅酱油果冻，有啲似海盐嘅味道，配埋酸酸甜甜嘅柑橘啫喱，饮落咸咸甜甜，意想不到地几夹。另外我地都叫左二刀流黑蒜豚骨拉面，一次过食到豚角同埋叉烧，配埋香浓嘅黑蒜豚骨汤底，好惹味啊。仲叫左五轮烧饼，有唔少广岛蚝喺入面，充满鲜味。饮多杯巨峰梳打，两个人share咁多野食好满足。