影片
更多
2018-07-30
170 浏览
木嘴作为一个mk仔，少不免会黎到旺角觅食。旺角人多挤迫呢排又热到痴晒线，为左避暑所以就冲入去朗豪坊睇下有咩好西食。见住朗豪坊D餐厅转黎转去，mk仔如木嘴都唔系好update得切，所以就OPENRICE下有咩新餐厅啦，咁岩就见到呢间新开几个月既日本餐厅。位置喺12楼，取代左之前间寿司店。又热又饿，木嘴简直系弥留状态，好彩等左十几分钟终于有得入。WOW，入面装修又几靓几日本风㖞（无影到相添，大家可以去隔离食评睇睇相）！仲即刻有阵寿司饭味传入我个鼻到添。唔掂当，再唔食野我真系会死，一坐低左就拿拿霖睇menu嗌野食喇。同正常日本餐厅一样，菜单花多眼乱，又寿司又串烧又饭又小食etc..次次都要犹豫好耐！但饿到咁既地步简直系迫上梁山，最后就拿拿林求其散嗌左软壳蟹寿司汉堡, 温泉玉子牛丼同鸡串烧拼盘。另外，坐低见到有会员迎新promotion，只要下载个App就会送三文鱼刺身，唔执输既木嘴又点会放过呢个机会试埋佢D刺身呢！唔系好识评价个三文鱼刺身，只系知道食落去好新鲜，无平时食放题个阵雪柜味，同埋因为系免费野，食落特别好味。炸软壳蟹寿司汉堡－嗌佢主要就系因为好少餐厅有得食米汉堡，仲记得细细个o个时好
又热又饿，木嘴简直系弥留状态，好彩等左十几分钟终于有得入。WOW，入面装修又几靓几日本风㖞（无影到相添，大家可以去隔离食评睇睇相）！仲即刻有阵寿司饭味传入我个鼻到添。唔掂当，再唔食野我真系会死，一坐低左就拿拿霖睇menu嗌野食喇。同正常日本餐厅一样，菜单花多眼乱，又寿司又串烧又饭又小食etc..次次都要犹豫好耐！但饿到咁既地步简直系迫上梁山，最后就拿拿林求其散嗌左软壳蟹寿司汉堡, 温泉玉子牛丼同鸡串烧拼盘。
另外，坐低见到有会员迎新promotion，只要下载个App就会送三文鱼刺身，唔执输既木嘴又点会放过呢个机会试埋佢D刺身呢！唔系好识评价个三文鱼刺身，只系知道食落去好新鲜，无平时食放题个阵雪柜味，同埋因为系免费野，食落特别好味。
三文鱼刺身
11 浏览
0 赞好
0 留言
炸软壳蟹寿司汉堡－嗌佢主要就系因为好少餐厅有得食米汉堡，仲记得细细个o个时好钟意买叮叮米汉堡食，而家好似唔见晒lu。而呢个汉堡都不负我所望，又真系唔错㖞！由于木嘴樱桃小嘴既关系，唯有将佢拆件食：饭好烟韧，两边有煎过既香味，之后睇返原来呢间野系主打「精米」，优质日本米㖞，唔怪之得宁舍好食咁啦，木嘴原来个嘴都木唔晒。菜呢，捞埋D酸酸地既沙律酱&cheese好perfect池，相信无食开沙律既人都会钟意。至于软壳蟹，炸得啱啱好，唔会太油但又有松脆既咬口，成只软壳蟹系晒度无呃秤，呢个汉堡有水准！推介！
炸软壳蟹寿司汉堡
22 浏览
0 赞好
0 留言
温泉玉子牛丼－为左填饱个肚当然要嗌返个丼啦。最初对佢无咩要求，谂住系吉Ｘ家＋温泉蛋咁上下既野，纯粹想有饭落肚。点知又有惊喜㖞，个饭一上，见到只晶莹剔透既温泉蛋，就急不及待捞埋只蛋落D饭到(相都唔记得影…)。Any肥，个饭绝对好食过吉记，D牛肉唔系一般肥牛，系烧肉黎！食落去仲有阵烧肉香味，块牛肉有返适当既厚度适当既熟度，咬落去系偏软既口感，唔系硬到咬唔烂个种难食牛肉。配埋个蛋汁同D饭，一啖又一啖食落去，木嘴非常满意，无耻D净系黎食个饭都可以。
鸡串烧拼盘－本身谂住送饭食既串烧，食完个饭等左阵都未黎…唯有催单啦。最尾都要等左阵先黎，而D串烧…系冻既！！难道间餐厅见我身水身汗所以俾d冻野我食？简直系成晚既败笔！D鸡串就不过不失既，算啦无下次咖喇，嗌其他吧啦。
张贴
