海港薈

营业中

休息中

星期六放假当然要孝顺下妈妈，妈妈好少出市区，今次就带佢去尖沙咀呢间可以望住海景叹茶嘅餐厅等佢开心下。一入门口已经觉得餐厅冠冕堂皇，而且光线充足十分舒适。如果多人一起用餐的话应该可以获安排最接近海景嘅座位，但因为我同妈妈只有两个人，所以就较远，但环境确实100分！翡翠笋虾饺王名副其实嘅皮薄馅靓，粒粒都见到晶莹剔，薄到可以透到鲜虾。鲜虾爽滑弹牙，超级鲜甜😍XO酱蒸凤爪妈妈每次饮茶都必点嘅凤爪，我次次都唔食，但今次破例，因为上枱嘅时候已经有好香嘅XO酱味飘过黎😂凤爪蒸得好腍好入味，连我呢啲平时唔食嘅都同妈妈争食🤭原只鲍鱼烧卖皇见到个样都觉得矜贵，咬落更不得了。鲍鱼鲜甜，而且爽口弹牙，烧卖内虾肉及猪肉的比例岩岩好，唔会觉得腻之余，一咬入口仲有好多肉汁流出添西班牙黑毛猪叉烧包最后不得不介绍呢款以西班牙黑毛猪作馅料的叉烧包，叉烧包馅料充足，咸甜适中，而且个蜜汁调制得好出色，唔会太甜之余又可以平衡到食包嘅饱滞感。