影片
更多
2021-05-20
14559 浏览
Afternoon Tea大家食得多，一路望住维港食大家试过未?呢间Palco Ristorante系一间主打意大利菜、法国菜、港色本土fusion菜既餐厅，系2010年系柴湾开业，之后搬去湾仔打响名堂，系湾仔素有口碑，到上年转址尖沙咀海港城OTE重开。主厨深知意大利同法国菜既精髓，系菜式上加入香港本土元素，尖沙咀新店既menu保留左4成旧店既招牌菜，有6成系新菜式，添加左海鲜菜式好似生蚝、新西兰大蚬、海胆意粉同法国螯虾意粉等，亦都加左唔少地中海菜式既元素。A la carte Menu提供前菜、主菜、汤、意粉、意大利云吞同甜品大约40几款，当中最招牌系芝士松露意粉，沿用传统意大利餐厅既做法，由专人席前即煮，火焰炙香24个月既巴马臣芝士，系白松露季节加$300仲可以有即刨白松露，感受五官既冲击。除左精选既 A la carte Menu 外，亦设有$1,188/位既8道菜tasting menu，可以一口次试尽时令招牌菜，每3个月会转一次，保留新鲜感。值得一题系佢同西九文化区入边嘅Asian French料理餐厅Pano系同一个集团，再加上Pano嘅创办人同为Palco Ristora
Afternoon Tea大家食得多，一路望住维港食大家试过未?
呢间Palco Ristorante系一间主打意大利菜、法国菜、港色本土fusion菜既餐厅，系2010年系柴湾开业，之后搬去湾仔打响名堂，系湾仔素有口碑，到上年转址尖沙咀海港城OTE重开。主厨深知意大利同法国菜既精髓，系菜式上加入香港本土元素，尖沙咀新店既menu保留左4成旧店既招牌菜，有6成系新菜式，添加左海鲜菜式好似生蚝、新西兰大蚬、海胆意粉同法国螯虾意粉等，亦都加左唔少地中海菜式既元素。A la carte Menu提供前菜、主菜、汤、意粉、意大利云吞同甜品大约40几款，当中最招牌系芝士松露意粉，沿用传统意大利餐厅既做法，由专人席前即煮，火焰炙香24个月既巴马臣芝士，系白松露季节加$300仲可以有即刨白松露，感受五官既冲击。除左精选既 A la carte Menu 外，亦设有$1,188/位既8道菜tasting menu，可以一口次试尽时令招牌菜，每3个月会转一次，保留新鲜感。
值得一题系佢同西九文化区入边嘅Asian French料理餐厅Pano系同一个集团，再加上Pano嘅创办人同为Palco Ristorante同一人，创办人ken有27年入厨经验，先后喺半岛酒店入边嘅Verandah、Chesa、Felix、Gaddi’s任职，之后自立门户，心得一班名人好似古天乐、发哥、梁朝伟、郑秀文、周杰伦、黎明、张学友、陈奕迅等等热捧，即使pano喺逆市开店都冇受影响，所以两间都系质素有保证嘅餐厅。
以前餐厅下午茶净系做weekend，最近weekday都试到佢嘅下午茶，适逢朋友生日系拣紧下午茶餐厅时见到呢度无论环境、下午茶定生日蛋糕都好吸引，拣日不如撞日，一于试一试呢间意大利菜餐厅既下午茶。如果系平日早一星期订位应该有位，成功订座需要系限期内俾deposit 去confirm booking，deposits 要$200。
餐厅嘅座位有分室内同室外，室内一律采用弧形落地玻璃透入自然光，采光十足，而最吸引就系室外雅座，因为佢嘅位置喺海港城嘅lcx最出面，室外嘅位置就包揽海港城最出嘅海景，坐拥无敌维港海景，晏昼可以望住海景食Tea，夜晚望住海景食晚餐更加有气氛。座位方面室内既2人枱比较细张，虽然天气好热但因为室外景色所以拣出室外雅座，枱同枱距离分隔得宜，部分室外位会有太阳伞，不过要叫服务员就要等佢地望出黎个一刻。
-
🍰 Afternoon Tea Set 💰$328/1人份 （👅: 9/10）
Afternoon Tea Set
$328
1330 浏览
14 赞好
0 留言
下午茶时段由下午两点半到五点半，可以坐足三个钟好似食法国菜咁。下午茶套餐用一个金色三层架盛装，顶部有一只金色雀，用白色蓝花纹瓷碟放上各式咸点甜点，刀叉匙羹系简约黑色，碟系灰色圆坑纹，整体餐枱上餐具同美食互相辉影。
-
Coffee or Tea（👅: 8.5/10）
可以跟一般嘅咖啡或茶，茶有提供三款浓茶同三款清茶，全部都系Twinings 呢个品牌，好似Earl Grey、English Breakfast Tea等常见茶品，听讲仲可以跟西瓜汁。
我叫左Earl Grey，饮落系正常既茶，茶味都足够，Refill完茶味都仲有。
-
Savories （👅: 9/10）
1️⃣ Sea Urchin Tart （👅: 9/10）
海胆挞，系下午茶咸点海胆算系罕见食材，大小适中，外观精致足艺术品，挞内底层食落有Custard，上面放左1.5至2块既马粪海胆，入口Creamy，而且有鲜甜既海胆味，系一个几独特既咸点挞。
2️⃣ Mussel Bisque with Saffron （👅: 7.5/10）
青口番红花法式浓汤，店员教先饮浓汤再食牛角包，之后一层一层食上去。法式浓汤用小杯上枱，汤呈橙黄色，温度温唔辣口，饮落味道的确好浓，不过就越饮越觉咸，同埋唔趁热饮冻左之后会有小小腥味。。
3️⃣ Lobster Salad Croissant with Avocado （👅: 9/10）
Lobster Salad Croissant with Avocado
$328
237 浏览
2 赞好
0 留言
牛角包配牛油果酱同龙虾沙律，牛油果同龙虾沙律都系分开上，可以按自己喜好加几多落牛角包到，如果系两个人份量佢会比2个牛角包，但3个人佢会比4个牛角包。牛角包食落松化，有小小牛油味，龙虾沙律食到粒粒龙虾肉，爽口鲜甜，而牛油果磨成蓉，入口Creamy，而且食到淡淡既柚子味，食落清新，牛角包加上龙虾同牛油果酱，味道几夹，配合得好，食落系一道几开胃既前菜。
4️⃣ Homemade Salmon Sandwiches with Caviar（👅: 9/10）
自家制鱼子酱三文鱼夹包，三文鱼系下午茶咸点好常见食材，不过呢个三文鱼食落带微微油香，入口几甘甜，配搭鱼子酱，整体味道略带微咸，不过鲜味提升唔少，而底层既面包片中和当中咸味，平冲几好。
5️⃣ Foie Gras Terrine with Figs Macaron （👅: 9/10）
鹅肝酱配无花果马卡龙，用马卡龙托底，鹅肝酱份量慷慨，食落绵密奶滑，食到既系鹅肝既香味而唔系骚味，油香味足够，顶层有无花果果肉点缀，整体咸甜同时刺激，系一个配搭新鲜味道出奇地夹既咸点马卡龙。
6️⃣ Deep-fired Taro Chips with Sichuan Mala Crabs Meat （👅: 8/10）
Deep-fired Taro Chips with Sichuan Mala Crabs Meat
$328
432 浏览
2 赞好
0 留言
四川麻辣蟹肉芋片，脆片呈U形装有一堆蟹肉，大细适中可以一啖入口，蟹肉满满食落够新鲜，不过四川麻辣味就唔太觉，整体系一个有创意配搭既咸点。
-
Sweets （👅: 8/10）
1️⃣ Tiramisu （👅: 8/10）
呢间系意大利菜餐厅，所以可以见到甜点有Tiramisu，食落口感偏湿润，咖啡味适中，食到小小lady finger底层既酒味几浓，整体系比较多cream小啲蛋糕，不过有食过更出色既Tiramisu既mascarpone cheese cream会做得更出色。
2️⃣ Wild Berries Puff （👅: 8/10）
Wild Berries Puff
$328
346 浏览
3 赞好
0 留言
系一个综合野莓果香泡芺，外表红卜卜，泡芺内夹有吉士酱、粒粒士多啤梨、忌廉，食落够清新，入口唔腻，泡芺软身酥化，咬落脆身，不过如果无吉士酱整体味道可以会更好。
3️⃣ Handcrafted Mango and Jasmine Tea Tart （👅: 7.5/10）
系一个芒果配茉莉花茶手作挞，食落茉莉花茶味唔算突出，不过芒果味就好突出，整体芒果既酸味会抢过其他味道，但芒果既鲜甜味就唔太食到。不过挞食落就酥脆，食完唔会腻口。
4️⃣ Earl Grey Tea Cream Swiss Roll （👅: 8/10）
Earl Grey Tea Cream Swiss Roll
$328
374 浏览
1 赞好
0 留言
系一个伯爵茶瑞士卷，大小系可以一啖放入口，忌廉蛋糕食落几软熟，食到伯爵茶味不过略嫌唔够浓。
5️⃣ Homemade Scones with Cream & Jam （👅: 7.5/10）
Homemade Scones with Cream & Jam
$328
393 浏览
1 赞好
0 留言
Scones分别系提子干同原味，食落唔算有惊喜，食过更出色既文华Scones、Tiffany Blue Box Cafe既烟肉Scones同Grandma's Scones既特别口味Scones，呢个Scones食落就比较干同实，未到好硬，大小比较细份，食完唔会太过济。
不过失望既系佢比既系普通cream而唔系clotted cream，Jam系用上Raspberry而唔系士多啤梨，食落就正常唔会太甜太腻。
6️⃣ Lemon Sorbet （👅: 8/10）
Lemon Sorbet
$328
133 浏览
2 赞好
0 留言
呢个甜点会同Black Truffle Egg Ice Cream系食到一半时同时上。
造型细致，用半个小柠檬做原型，第一啖食落好酸，之后酸味会逐渐化淡转为酸甜味，食得出系用新鲜柠檬汁制作，食落清新，可以Refresh一下味蕾，不过下面既海盐如果分量罗唔岩食落又会有啲咸，同埋有啲人会接受唔到呢种酸味。
7️⃣ Black Truffle Egg Ice Cream （👅: 9/10）
Black Truffle Egg Ice Cream
$328
118 浏览
2 赞好
0 留言
黑松露雪糕系其中一样有惊喜嘅甜品，本身冇食过依个配搭，但系食落非常有惊喜，松露雪糕上层有少量白松露片，底层有少量花生脆片，而雪糕球夹系中间，同时入口，会食到雪糕既顺滑、夹杂住脆片既轻脆，再加上味道浓郁既松露香味，咁多款甜品最出色，平时黑松露都会系热食，不过呢个冻食松露味都系咁香，黑松露味道不断系口腔徘徊，要挑剔既系雪糕溶得几快。
-
1️⃣ Signature Napoleon💰$598 （👅: 8.5/10）
Signature Napoleon
$598
427 浏览
3 赞好
0 留言
会黎Palco Ristorante食下午茶，其中一个原因系因为喺网上见到依个拔丝拿破仑蛋糕，适逢朋友嘅生日所以预约依度嘅下午茶同呢个蛋糕，因为功序繁复，所以呢个蛋糕需要提前3日预约，唔一定食下午茶先有，食LUNCH SET都可以预约呢个蛋糕。
蛋糕做得精致之余，打卡一流，成件艺术品咁，骤眼睇仲以为系灯饰。呢个一磅既芒果拿破仑蛋糕，最特别系外边比好似艺术品既麦芽糖墙包住，影完相之后，店员会帮手分碟，会将拿破仑嘅麦芽糖拔丝打碎，麦芽糖都溶得几快，拿破仑食落个皮好酥脆，吉士酱好幼滑而且带蛋香味，配上酸酸甜甜嘅苺，整体唔错不过麦芽糖食落有啲痴牙，略嫌有啲甜。
-
🌟 总括黎讲，咸点比甜点出色，可能因为餐厅本主打意大利菜同法国菜，咸点都系用上一啲常用既高级食材好似鹅肝、龙虾、鱼子酱、海胆、黑松露等等，而且每件食物都好精致，令到可以食到有质素而且有惊喜既咸点，选材矜贵，甚至比起酒店下午茶更加有High Tea感，诚意度十足，咸点用呢啲矜贵食材都会配搭较清既配料，味道平衡，油份唔重，咸度适中，非常出色。而甜点就只有Black Truffle Egg Ice Cream同Tiramisu有融入意大利菜既特色，Tiramisu食落算普通对比起香港更出色既Tiramisu，Black Truffle Egg Ice Cream系一道有惊喜利用到意大利菜常用既黑松露既甜点，其他甜点就正常发挥。
服务方面，餐厅服务非常好，因为影相途中将自己既龙虾汤倒泻左，店员唔止帮手清理同换过新枱布之外，仲重新比过一杯龙虾汤比我。另外因为我地坐系室外位，食食下落微微雨，我地要求转去无人坐有大伞位，店员都非常乐意安排，而且要求帮手影合照店员都乐意，食过咁多间茶餐既下午茶，呢间既服务令我记忆犹新。
订位方面除左电话可以订位，官方IG都有提供LINK可以订位。另外一提因为餐厅系海港城嘅餐厅，所以可以用海港城嘅coupon，$50既Cash Coupon满$100就可以用一张，最多可以用六张，即系差唔多$300嘅价钱，用完每人大概系$200到，变相系超值嘅下午茶。
-
👅味道: 9/10
🍴环境: 8.5/10
💰消费: $328/ppl +598/3 (服务费: 10%)
张贴
