藍象泰國餐廳 (已結業)

泰国菜真系食极都唔厌，今次就嚟咗呢间，几有情调，几有feel。坐得舒服之余又望到过海。叫咗个肉碎包生菜。肉碎调味得几好，唔会太咸，而且食晒生菜配饭食都好食。之后叫咗个青咖喱牛，比起出边嘅青咖喱呢度嘅比较creamy，好似落咗多啲淡忌廉嘅感觉。而佢嘅牛都好嫩。叫咖哩当然要配松饼，佢个松饼本身已经有味，就咁食都好好味，配埋咖喱一流。我哋仲叫咗芒果糯米饭，好精致，够特别又好食。当然最后叫咗呢度最出名嘅榴梿挞。真心好好食！会系每一次黎都必嗌嘅嘢。