影片
更多
2021-08-19
941 浏览
餐厅：靖·火锅 (天后)地址：天后电气道68号金轮天地23楼香港人点解成日都打边炉，但系喺23楼嘅高层，望住无敌大海景🌊，睇住日落前后嘅景色咁打边炉你又试过未🌄？我就有机会试到喇😎一入到餐厅就已经望到维多利亚港黄昏嘅美景🥰，未开始食嘢已经陶醉系呢个咁靓嘅环境当中。而呢间位于天后金轮天地23楼嘅靖·火锅亦啱啱开始试业，有幸成为餐厅头一批嘅食客真喺开心🥳餐厅主打火锅🍲，除咗散叫之外亦有套餐提供，唔使自己烦要叫啲咩，比一个价钱餐厅就安排好晒特色嘅食物😌因应疫情关系，老板又非常注重卫生，所以呢度嘅火锅全部都系一人一锅，我就拣咗个镇江牛油麻辣汤底拼澳门猪骨煲汤底鸳鸯锅🥘，睇返散叫价钱每个锅都系二十几至四十几蚊🤣，劲平！✝️手切本地新鲜牛肉 渌大概20秒就食得🔥，肥膏同筋嘅部位唔多，厚薄均匀，牛肉刀工完整无断裂，色泽红润无瘀血，食落未算入口即溶但牛肉味都几香浓👌✝️手打新鲜班节虾丸并潮汕手锤牛筋丸两款丸𠝹咗十字，当佢哋熟嘅时候就会爆开，咬落爽口，我特别钟意潮汕手锤牛筋丸嘅香味够浓郁，咬开𠮶阵会轻轻爆汁，非常好食😋✝️手擀三色蔬菜面讲特色又点可以唔提呢个三色蔬菜汁人工手打面呢🍜？紫色、黄色同绿色嘅面线浸泡
地址：天后电气道68号金轮天地23楼
香港人点解成日都打边炉，但系喺23楼嘅高层，望住无敌大海景🌊，睇住日落前后嘅景色咁打边炉你又试过未🌄？我就有机会试到喇😎
一入到餐厅就已经望到维多利亚港黄昏嘅美景🥰，未开始食嘢已经陶醉系呢个咁靓嘅环境当中。而呢间位于天后金轮天地23楼嘅靖·火锅亦啱啱开始试业，有幸成为餐厅头一批嘅食客真喺开心🥳
餐厅主打火锅🍲，除咗散叫之外亦有套餐提供，唔使自己烦要叫啲咩，比一个价钱餐厅就安排好晒特色嘅食物😌
因应疫情关系，老板又非常注重卫生，所以呢度嘅火锅全部都系一人一锅，
我就拣咗个镇江牛油麻辣汤底拼澳门猪骨煲汤底鸳鸯锅🥘，睇返散叫价钱每个锅都系二十几至四十几蚊🤣，劲平！
✝️手切本地新鲜牛肉
渌大概20秒就食得🔥，肥膏同筋嘅部位唔多，厚薄均匀，牛肉刀工完整无断裂，色泽红润无瘀血，食落未算入口即溶但牛肉味都几香浓👌
✝️手打新鲜班节虾丸并潮汕手锤牛筋丸
两款丸𠝹咗十字，当佢哋熟嘅时候就会爆开，咬落爽口，我特别钟意潮汕手锤牛筋丸嘅香味够浓郁，咬开𠮶阵会轻轻爆汁，非常好食😋
✝️手擀三色蔬菜面
讲特色又点可以唔提呢个三色蔬菜汁人工手打面呢🍜？紫色、黄色同绿色嘅面线浸泡喺猪骨浓汤入面，咬落有韧度又吸收晒火锅配料嘅精华，唔好话食落口，就咁望住彩色嘅面条都觉得吸引🤩
✝️新疆红柳枝羊肉串
日日做运动嘅小羊羔肉质细腻，脂肪层薄得嚟又均匀，膻味唔重反而羊香味好出，焦脆嘅羊肉外层，洒上孜然粉同辣椒粉等调味🌶，食落惹味，加上南疆嘅特色红柳枝串，提供独特香气之余仲更有地道风味🐑
另外仲叫咗特色新鲜牛蛙、
鲜活大海虾串、
日本蟹柳、手打靓虾滑、黑松露墨鱼滑等。牛蛙本身已经剥好皮斩开碎件上，都处理得几干净👍；再睇吓蟹柳同埋虾滑墨鱼滑嘅摆设都好靓，啲滑新鲜弹牙仲整成心心型添❤️呢度嘅环境真系好适合庆祝节日同chill，最啱一家人或者同成班好朋友喺到一边食一边吹水🗣
张贴
