滿福樓

营业中

休息中

一早听闻呢度嘅中菜非常出色，今次早咗一星期订枱都订到海景位置，好幸运！沙姜白云猪手～超超超入味，咸香开胃，猪手非常Q弹，做前菜一流。风味金榜开边龙虾～叫一份开边足够二人份量，龙虾肉好厚，酱汁好特别，闻落超级香，感觉有啲似好浓椰汁嘅喇沙味，呢个配搭好新鲜，旁边仲有个炸馒头，点埋剩低嘅酱食，真系好满足！咕噜肉～侍应特别推荐我地叫咕噜肉，果然真系无令人失望，佢地用咗黑毛猪肉，咬落去非常松化，一啲靭嘅感觉都无，同平时出面食到嘅真系唔同。鱼腐浸唐生菜～上菜时见到鱼腐好似成个网球咁大，真系有啲吓亲，鱼腐吸收晒鱼汤嘅味道，入口非常松软，好好食！唐生菜都好爽嫩，最后仲可以饮晒啲汤。椒盐吊片～呢个就相对逊色，味道系足够，但炸得唔够香口。甜品方面～特别钟意食佢个蛋散，加埋啲糖浆真系好脆好好味。杨枝甘露好似饮紧芒果布甸，芒果味好浓。蛋挞都唔错，但唔算好特别。