影片
更多
2024-05-04
1782 浏览
今次同屋企人食生日饭拣咗食铁板烧，呢间位于尖沙咀The One，位置都几方便，因为我哋有7个人，订枱时问咗可以安排房间，房入面有大Bar枱，上面有两块大铁板，前面嘅窗仲睇到海景（不过我哋去当日有一半时间都落紧大雨🥹)，环境几舒适！•📸铁板鲍鱼套餐 $598📸铁板龙虾二人套餐 $1380>沙律、前菜、刺身三点、大虾(鲍鱼餐)/西澳龙虾(二人餐)、南非鲍鱼、美国牛柳、炒饭(和牛/樱花虾)、味噌汤、渍物、甜品、咖啡/茶<呢两个餐嘅都有南非鲍鱼，而最大分别就系龙虾二人餐有一只西澳龙虾🦞，而鲍鱼餐就系大虾🦐，无龙虾～因为有屋企人唔食刺身，所以我哋问咗师傅/侍应有咩可以转，最后佢哋offer咗铁板原只帆立贝，煎香咗嘅帆立贝都好鲜甜，入面仲有少许半生质地，口感嫩滑！当日嘅龙虾同鲍鱼都好新鲜🥰 师傅话所有海鲜都系新鲜㓥嘅，口感同味道都会好啲～ 龙虾系每人有半只，超级鲜甜🤩 配上用龙虾膏调制嘅酱汁，超级惹味🤤 而且龙虾肉都好大件！鲍鱼就配咗紫菜蚝汁，连个肝都有处理好，煎香一齐食～我哋都系第一次食埋，味道都唔腥㖞！美国牛柳就配咗黑松露酱汁同蒜片，都系好大路嘅做法～但煎得好香，加埋黑松露酱味
•
📸铁板鲍鱼套餐 $598
📸铁板龙虾二人套餐 $1380
>沙律、前菜、刺身三点、大虾(鲍鱼餐)/西澳龙虾(二人餐)、南非鲍鱼、美国牛柳、炒饭(和牛/樱花虾)、味噌汤、渍物、甜品、咖啡/茶<
呢两个餐嘅都有南非鲍鱼，而最大分别就系龙虾二人餐有一只西澳龙虾🦞，而鲍鱼餐就系大虾🦐，无龙虾～
因为有屋企人唔食刺身，所以我哋问咗师傅/侍应有咩可以转，最后佢哋offer咗铁板原只帆立贝，煎香咗嘅帆立贝都好鲜甜，入面仲有少许半生质地，口感嫩滑！
当日嘅龙虾同鲍鱼都好新鲜🥰 师傅话所有海鲜都系新鲜㓥嘅，口感同味道都会好啲～
龙虾系每人有半只，超级鲜甜🤩 配上用龙虾膏调制嘅酱汁，超级惹味🤤 而且龙虾肉都好大件！
鲍鱼就配咗紫菜蚝汁，连个肝都有处理好，煎香一齐食～我哋都系第一次食埋，味道都唔腥㖞！
美国牛柳就配咗黑松露酱汁同蒜片，都系好大路嘅做法～但煎得好香，加埋黑松露酱味道同香味都有升华，牛味唔算浓，但肉质不错，就算偏熟少少都依然软嫩，唔会好难咬～
炒饭可以配和牛或樱花虾，但小朋友先做选择，两样都要晒🤣 炒饭都炒得唔错，粒粒分明，和牛炒饭加埋樱花虾嘅咸香，虽然最后都饱饱地，但都全部食晒！
甜品有冻同热嘅款式，当日就有焙茶奶冻同埋热嘅南瓜红豆汤。焙茶味同奶冻有啲分离，奶冻味道稍甜，如果焙茶味浓啲就好啦～
沙律、面豉沙同渍物就普通～
整体成个餐都够饱同几满足！
🌟推荐度：9/10
8 浏览
0 赞好
0 留言
张贴
