牛奶冰室 (寶石大廈)

营业中

休息中

成日经过都冇食过，见今日有时间就入去食过早餐。宜家入餐厅要扫针卡，佢部电话装嘅位置令到客人部电话劲反光，劲难扫，浪费左好多时间！餐厅啲位都几密同几迫下，不过餐厅楼底几高，坐落都几ok，加上一排大窗，视野广阔，冇咩压迫感。💕火腿浓汤通粉$35💕牛乳炒滑蛋配蒜香多士💕冻柠茶+$3落单约5分钟后就有得食，个碗劲大，火腿片超多，一入口个啖汤系忌廉汤，牛奶味唔觉，但汤底可以的。通粉系有啲啱啱渌熟咁，另外啲菜系介兰？介兰切片，但配通粉口感很怪很生硬，唔系几夹。牛乳炒滑蛋好香，有牛油味，滑蛋ok滑。蒜香多士，有烘底，好食。冻柠茶，第一次见杯冻柠茶冇柠檬片，原来呢个系餐厅特色，先将柠檬打碎再冲，一饮落去系好重柠檬味，冇咩茶味，唔系咁讲究茶底嘅朋友都可以接受，呢杯仲要好大杯，好冰冻。