black n white (已結業)

Black n White其实就系大角咀既，不过地址就真系唔算太就脚，系奥运站行过去都仲有一段距离要行，当然依个距离就无影响到客佢去,，慢慢行下行下都已经见到一条好长既队,真系客似云来,其实大家都系黎依到朝圣既姐！Black n White当然店如其名，环境同装潢一律都系黑白色，非常之有性格,系个咁既环境食住甜品真系太快人手，钟意环境加埋甜品既你,当然要黎依到试番次！入番正题,今次同朋友叫左依个Earl Grey Mousse Cake同埋依个Raspberry Mousse Cake。伯爵茶慕丝配埋青苹果雪,卖相绝对杀死人,一支白朱古力棒连埋慕丝同雪芭，外观已经嬴左,食落去味道系非常之咁清新，Earl Grey比较独特既味道加埋好滑既慕丝,食落好夹,而伴碟既青苹果雪芭就当然非常冰冷食落有少少酸味，口感够哂层次。Raspberry Mousse Cake依间就比较酸，但红莓既味令到非常浓既Dark Chocolate cake食落一D都唔腻,果然有水准。