意粉屋 (已結業)

年尾好多人问来年前程，今次又有位妹妹约我占卜起卦，问我想约边到倾，我当然首选意粉屋啦！年尾点到要去意粉屋朝圣！今晚无论如何，点都要叫个成日忘记点嘅炸鸡篮！算数胀肚都要打包外卖！大大话话食咗意粉屋炸鸡篮二十多年，鸡肉嫩滑，外表香脆，食极都唔厌，可惜近年嘅炸鸡外表颜色较深色，唔知系咪同炸油有关.另外，伴碟嘅薯条都好好味，可能同啱啱炸起新辣辣有关，食果时小心辣咀！对我嚟讲，意粉屋重有样对我又爱又恨嘅饮品，就系冻 cappuccino，意粉屋嘅出品极香浓，但次次饮完即刻想去厕所！但奇怪今次无哩个问题㖞.最后，炸鸡篮都系要打包，第二日翻焗都好好味！至于小妹妹，我教佢摆阵，佢就做D唔做D，唉....咁样边有效架！