Gontran Cherrier (Restaurant) (已結業)

上星期路过K11见到好多人排队买面包，个个都买几只牛角包，一望价钱都几贵，最平都20几蚊，甚至40几蚊一只，即刻吓亲，一只都冇买到。过几日同朋友倾偈，佢话牛角包非常好食，一定要试吓，于是再次路过嘅时候，就买只最普通最基本嘅牛角包试吓。牛角包大概一只手掌大，包身比较硬，唔似有啲牛角包摸落去会软淋淋。咬落去嘅时候，外面好松脆，里面组织发得好靓，网状，唔系空气包。味道方面，甜甜地，唔会话好香牛油味，不过都好食，都有面包香，但如果牛油味再香啲就更好食。总括而言， 20几蚊一只牛角包抵唔抵食，就要睇吓你嘅经济能力。