橋底辣蟹

营业中

休息中

桥底辣蟹出名食辣蟹，但系今次想试吓其他款式，潮州菜式一样出色，生滚鲜泥鯭粥真系超正，其他小炒菜式都唔错。鱼汤浸蚬$88蚬粒粒新鲜多肉，用鱼汤煮制更加鲜味。潮式煎蚝饼$78好似蛋饼式嘅蚝仔饼，第一次试，口感新鲜，蛋饼软熟，蚝仔数量多，分量十足。椒盐九肚鱼$88推介，外面揸到金黄松脆，里面仲喺软绵绵，做到外脆内嫩嘅效果。生滚鲜泥鯭粥$98窝推介，泥鯭好新鲜，一条条嘅肉可以夹到嚟食，肉质鲜甜，粥软绵，唔错。椒盐鸭舌$85炸到脆卜卜，味道咸香。总括而言唔错，平时都食佢嘅炒辣蟹，觉得好好食，原只蟹肉多，估唔到佢嘅潮州菜食都一样出色，特别喜欢佢嘅泥鯭粥，抵食好食，食完仲有糖水送添，今次系腐竹蛋。