朝

营业中

休息中

位于太子大南街嘅呢间居酒屋以月亮为主题，暗黑风嘅装潢很有型！食物精致又有创意嘅酒类饮品，适合与朋友小酌怡情。𖦹 豚肉荔枝卷 $48拎荔枝嚟做串烧实在闻所未闻，薄薄嘅豚肉住原粒荔枝肉，外层焦香内里果汁爆发，又咸又甜，清新！𖦹 薄牛豆腐寿喜烧 $158 有牛肉、豆腐、油扬、娃娃菜、冬菇、金菇同埋蛋，非常足料；寿喜烧汤底清甜，为秋凉嘅天气增添一分暖意。𖦹 朝邪恶玉子烧 $98嫩滑嘅玉子烧蛋香十足，入面加咗芝士，有得拉丝！芝士嘅咸香平衡返玉子烧嘅甜味，不过对我嚟讲都仲系甜咗啲。𖦹 清酒煮蚬 $78闺蜜嘅pick of the day！淡淡嘅清酒香配上大只鲜甜嘅蚬，正！𖦹 烧蜜糖鸡翼 $38香脆嘅鸡翼表面搽满甜甜嘅蜜糖，我自细钟意食～𖦹 烤鸡软骨 $30鸡软骨有咬口，加上香料作点缀就更为香口。𖦹 烧芝士年糕 $58芝士年糕外层微焦，咬落去系爆馅芝士，口感烟韧，芝士同年糕无可否认系one of the best combos。𖦹 泷五郎啜啜啫喱柚子酒 $218 去居酒屋又点少得酒呢。呢只酒容易入口，酒味唔突出，比较似饮紧果汁，酸甜带柚子清香，最有趣嘅系啲酒会呈半啫喱状态，可以啜嚟食xd。