大勝丼 (已結業)

旺角黄既日本料理有唔少，其中打对面两间丼饭都好抵食好吸引，平日夜晚黎到要等个半钟先有得食 谂住分散投资下，不过见间间都咁好生意💛 变相行左阵街就返黎最想试既大胜丼，发现真系好值得等小店既装修好讲究，就算有文宣都唔系求其痴，其中open kitchen bar幅墙真系整得好靓 十一个月黎都不忘五大诉求，提醒大家初心不变，仲有就系手足会拖住手一齐行落去。每个丼饭会送面豉汤同埋雪米糍做甜品，饮碗热汤先食冻冰冰既刺身，简单得黎又贴心。呢度既小食有好多选择，其中炸蚝最吸引我地。$58估唔到有五大只咁多，炸得香脆干身，而且唔系放题好厚炸粉果种，呢个咬落去好多汁鲜味今晚三文鱼腩同油甘鱼腩卖哂，唔系腩既部位无咁肥美，但都新鲜。友人要左三文鱼、剑鱼腩、海腩同埋葱花吞拿鱼蓉。我就要左葱花吞拿鱼蓉、帆立贝同油甘鱼。丼饭仲可以拣白米或赤米（酱油醋），不过我地都系简单要左白饭。我地分享完之后变得非常丰富，咩都可以试下。 非常欣赏呢度既海胆，其貌不扬，但十分鲜甜、口感嫩滑，仲可以用紫菜包住黎食添。葱花吞拿鱼蓉望落无乜油脂，但食落去好香好滑，每次食丼饭我都一定会拣，令到每口饭都好满足 热辣辣既天气最希望有凉浸浸既刺