影片
更多
2024-03-12
757 浏览
呢间想食咗好耐，不过佢唔系任食，人数少去食，又嗌得唔多，今次有人请食饭终于有机会食。收费酱料区有好多酱料可以自行调配，不过种类对比海底捞就冇咁多。小食只有辣菇冷盘同炸芋头波波。肉燥饭就要油咗少少，不过都好食。免费生果有哈密瓜、西瓜同番石榴，不过唔算好新鲜同靓。汤底拣左最出名嘅麻辣鸭血，可以无限添加鸭血同豆腐，净系食呢两样嘢都饱，麻辣唔算太辣比较稀，有少少失望。另外一个要左花胶汤，花胶汤非常之浓稠，入面有鱼肚，就咁饮都好好饮，不过作为汤底就唔系好入味。整体食物嘅造型普遍比较多心思，打卡一流。荔枝虾球，即炸虾球，弹牙，虾肉味突出，好特别地整成荔枝形状，外表有趣，系最令人惊艳嘅食物。例如企鹅造型嘅鱼蛋黑色系墨鱼味，黑色身躯系落咗墨鱼汁整成，一排企鹅仔放喺冰上面打卡一流，胜在造型得意。猪肉同牛肉正常。带子偏细只。丸子拼盘，弹牙程度都系一般，食落比较普通。唔系任食都食到非常之满足，不过同行友人话尖沙咀分店唔单止装修较靓，食物质素亦都较好。整体感觉无论系免费食物酱料、服务、抵食程度都系海底捞更胜一筹。
汤底拣左最出名嘅麻辣鸭血，可以无限添加鸭血同豆腐，净系食呢两样嘢都饱，麻辣唔算太辣比较稀，有少少失望。另外一个要左花胶汤，花胶汤非常之浓稠，入面有鱼肚，就咁饮都好好饮，不过作为汤底就唔系好入味。
整体食物嘅造型普遍比较多心思，打卡一流。
荔枝虾球，即炸虾球，弹牙，虾肉味突出，好特别地整成荔枝形状，外表有趣，系最令人惊艳嘅食物。
例如企鹅造型嘅鱼蛋黑色系墨鱼味，黑色身躯系落咗墨鱼汁整成，一排企鹅仔放喺冰上面打卡一流，胜在造型得意。猪肉同牛肉正常。带子偏细只。丸子拼盘，弹牙程度都系一般，食落比较普通。
唔系任食都食到非常之满足，不过同行友人话尖沙咀分店唔单止装修较靓，食物质素亦都较好。整体感觉无论系免费食物酱料、服务、抵食程度都系海底捞更胜一筹。
张贴
