大班樓 (已搬遷) 新店位置

期待已久终于终于都等到我食啦❤️ 由订台到开餐足足等左半年时间先轮到我食😣😣 真系等到我颈都长埋😂 首先上菜先嚟碗炖汤❤️ 超级清甜嘅炖汤 之后头盘有咸鱼臭豆腐🤩 一上台个阵味劲到无得顶😂 食落非常香口 配上辣酱食又一番风味 另外仲有龙井菊花烟熏乳鸽 烟熏味道好重 但又未算带出太特别感觉 再之后我哋一早就预订左「第一刀」叉烧❤️呢个叉烧系餐牌系完全唔会揾到 一定要一早预订左先有得食😎 食落真系超级好味 每一件都系半肥瘦分明 再加上烤到㶶边 配上烟熏味道 真系无得弹🤩之后到主角出场啦 人人必叫鸡油花雕蒸花蟹配陈村粉 呢个简直系我至爱呀❤️大大只嘅花蟹 配上所有精华吸收哂落陈村粉到🤩 一食陈村粉个阵蟹味 鸡油配埋花雕味 一试难忘 食哂陈村粉都唔候 整多个白饭系捞哂所有汁 一滴不漏🤣最后嚟多个胡椒清汤牛坑腩 坑腩感觉唔系好似我预期之中咁 不过食落亦都非常念口 入面配左甜到入心嘅白萝卜加上每日新鲜系树记买嘅枝竹🤩 最后甜品仲有生磨杏仁茶同好特别嘅杞子雪糕🤣🤣