博洛尼亞 (已結業)

已经想食呢间面包店好耐嫁啦~ 之前黎过，点知撞啱佢尖沙咀店开张，所以中环店休息，所以食唔到。今次终于可以品尝吓丹麦面包既美味啦~今次因为我地有5个人，而间店舖较细，所以要等咗一阵间先有位入去。我地就order咗一个枫蜜盐面包 x 2，吉列猪扒三文治，蜜糖雪糕面包，炒蛋面包。枫蜜盐面包 - 呢个本身觉得特别所以试既啫，就系可能因为无乜期望，令到我地有好大既惊喜~因为味道出奇地夹~所以大家即刻觉得唔够，要order多一份黎食先够~吉列猪扒三文治 - 最想食既就系呢个啦，虽然无预期咁高水准，但系都系唔错既，猪扒又厚又脆~蜜糖雪糕面包 - 雪糕伴住d脆脆既面包黎食，真系唔错!炒蛋面包 - 无特别，呢个系较失望既一样呀~蛋唔系话有蛋汁既炒蛋，当堂失色晒，所以唯一食剩既都系呢样~顺便一提~呢到系有最低消费既，就系每人要叫一样野先得嫁!但就唔限价钱~即系就算share，都要叫够5样野食先得~