神石燒牛扒水產專門店 (如心廣場二期) (已結業)

前幾日終於食到，我一直book mark好耐想食嘅呢一間神石燒牛扒水產專門店！💞今次我就叫咗呢個一人火山燒肉盛入面嘅神石特級五花盛合套餐！當中佢會有包咗美國特級牛五花、西班牙豚五花同美國無激素走地雞！💞三款我都好鍾意食呀，佢哋個美國特級牛五花，真係超香牛肉味，仲要雪花分佈好平均！而西班牙豚五花嘅肉質都非常之鬆軟！仲有美國無激素走地雞，真係又滑又啖啖肉！💞好鍾意食佢哋啲雞肉，仲追加左一串雞肉串 燒之後都好Juicy！💞另外仲有呢一個黑豚牛舌洋蔥湯都唔可以唔讚，好少飲到咁清甜又香肉味嘅湯！我仲要加咗啲紫菜同珍珠飯撈埋一齊，正！