Tokyo Milk Cheese Factory (已結業)

知道由2017年12月开始， 「Tokyo Milk Cheese Factory」便推出了新甜品—Cow Cow Ice北海道牛奶芝士软雪糕， 之前食过佢地推出嘅芝士饼同芝士蛋糕， 觉得几「芝」味， 所以今次都想试下佢地嘅新产品。😏 想食，记得要留意店舖营业时间， 因为小编之前试过摸过几次门钉， 由于铜锣湾店营业时间虽至21:30， 但20:00雪糕就已经停售或卖光， 所以想食要早d去喔！🙈 软雪糕🍦有几款可以拣， 就系单一牛奶或芝士，或两沟，😂 第一次食当然要试晒两种口味啦～ 仲可以拣杯装或筒装， 不过小编对筒装无咩兴趣， 所以就拣左杯装—北海道牛奶芝士二重奏（$48）啦。 虽软雪糕标榜以北海道十胜牛奶、高达芝士和忌廉芝士调制而成， 雪糕入口软滑即溶， 但牛奶味太重，「芝」味却不够突出， 最好吃的是插在雪糕上嘅芝士夹心饼😂🙊。