茶匠 清水一芳園 (已結業)

睇饮食报导知道日本嘅清水一芳园进注沙田，d相影到佢地嘅蕨饼好吸引，粒粒分明，抹茶粉、黄豆粉分布亦十分均匀，睇见都想食！嗜甜嘅我不嬲好钟意食QQ嘅嘢，尤其系蕨饼，所以难得有机会去开沙田，梗系要试一试新店啦！去到见到雪柜放满蛋糕甜品，counter亦有日式甜点如大福、丸子等，见到我嘅目标--蕨饼，佢系用透明胶盒pack好晒，有抹茶味、黄豆味或双拼，售$50一盒，每盒约有十数粒，难得嚟到梗系一次过试晒两只味啦，我拣双拼！眼见每盒盒盖都布满水气，攞上手仲系冰冻，心谂唔知系咪啱啱喺雪柜攞出嚟，有一刻迟疑，但因赶时间，所以快手买一盒试。经过个零钟头车程谂住应该已融雪，好心急开嚟食，盒盖霞气无晒，净番水珠，但湿气落晒去蕨饼粉度，尤其是抹茶味，d粉黏成一旧旧，黄豆粉相对无咁湿，食落去抹茶味好够浓，但里面嘅质感咬落略嫌较实，反而黄豆味较Q弹，理论上应该系一样嘅蕨饼底料，只系拌入唔同咪味嘅粉，但唔知系咪始终倒汗水稍有影响，搞到我好失望。相信今次只系一时闪失，希望店家留意倒汗水嘅情况，加上打开个胶盒时要用相当嘅力，应该几密封，如果可以用个盖冇咁实净嘅盒通吓气，或者购买时先至入盒，唔知会唔会好d呢？