坐忘

营业中

休息中

好耐之前已经得知鲗鱼涌有家特色嘅日式咖哩饭店，不过因为住太远，又好少路过，所以一直都未有机会嚟试试。今日刚巧同朋友百无聊赖坐船到北角散步，于是向朋友建议嚟试试!到达时间大约系六点半，但门口已经有约十人等位，等咗阵就到我哋了！未入坐，店员先俾menu我哋睇，似乎准备落单，因为第一次嚟，加上店员好赶嘅态度，所以睇menu时感到有压力，大约半分钟就拣好落单了，同时可以入坐，以为可以慢慢睇清楚有咩小食，甜品等等，点知店员又马上追问饮品，整个过程都系赶赶赶，一啲都唔relax ，始终第一次嚟，真系好难马上做决定。望望店面，其实人手都足够，门口都只系有大约十个人等位，实在唔明佢赶头赶命嘅理由，印象已经扣分了！过咗阵，饭到了！我点咗招牌菜15种一日野菜咖哩饭，第一眼见到好丰富好吸引，但睇清楚啲，会见到大部份蔬菜都煮到一点点焦黑，而咖哩汁嘅油份都唔少，我见到啲油偏红，会唔会系辣椒油呢？但咁仲算唔算系健康呢？心情带期待又不安地开动(始终焦黑嘅部份会致癌，所以我都会咬走)，所有蔬菜都好爽脆，而且好甜好好味，咖哩味带甜又带辣，味道都算唔错，饭有点湿，所以唔够散，整体味道都好好，但焦黑蔬菜就令人不安...(明