影片
更多
2015-08-31
789 浏览
诺亚半熟蛋糕专门店，呢个名听左好耐，但迟迟都未有机会食得到，仲记得今年5月既时候，想买个溶心芝士蛋糕帮妈妈庆祝母亲节，但居然所有分店都全部售罄，有够夸张，直至今日放假，的起心肝买个试食一下。星期一既下午，一个人走去店铺，已经锁定目标就系比利时朱古力溶心芝士蛋糕，店员都好细心问我要几耐先返到去，我答45mins，佢话返到去放入雪柜就可以，冇俾干冰过我。返到屋企雪左一阵，已经忍唔住拎番出黎，即刻开箱。一个要赞既位大家都知，就系蛋糕会附送纸碟餐具，咁随时随地都可以砌饼分饼，劲方便。好~讲番个蛋糕，外形都几靓仔，朱古力铺得几平几滑，已经忍唔住食左第一口，朱古力味都真系几浓，但又未至于苦，朱古力浆亦相当足料，所以会食到一层杰挞挞、厚厚地既朱古力酱，不过唔太食到朱古力应有既甜味。再黎就系蛋糕部份，我真系完全食唔到芝士既味道，可能朱古力味盖过一切，还好蛋糕都几creamy，而下层就放弃左大部份饼店都会用既消化饼底，改用上朱古力海棉蛋糕，我反而觉得呢个有点败笔，因为朱古力酱+芝士蛋糕既texture太接近，用比较硬身既饼底会比较平衡。Overall呢个比利时朱古力溶心芝士蛋糕真系麻麻地，朱古力甜味芝士
星期一既下午，一个人走去店铺，已经锁定目标就系比利时朱古力溶心芝士蛋糕，店员都好细心问我要几耐先返到去，我答45mins，佢话返到去放入雪柜就可以，冇俾干冰过我。
返到屋企雪左一阵，已经忍唔住拎番出黎，即刻开箱。
一个要赞既位大家都知，就系蛋糕会附送纸碟餐具，咁随时随地都可以砌饼分饼，劲方便。
好~讲番个蛋糕，外形都几靓仔，朱古力铺得几平几滑，已经忍唔住食左第一口，朱古力味都真系几浓，但又未至于苦，朱古力浆亦相当足料，所以会食到一层杰挞挞、厚厚地既朱古力酱，不过唔太食到朱古力应有既甜味。
再黎就系蛋糕部份，我真系完全食唔到芝士既味道，可能朱古力味盖过一切，还好蛋糕都几creamy，而下层就放弃左大部份饼店都会用既消化饼底，改用上朱古力海棉蛋糕，我反而觉得呢个有点败笔，因为朱古力酱+芝士蛋糕既texture太接近，用比较硬身既饼底会比较平衡。
Overall呢个比利时朱古力溶心芝士蛋糕真系麻麻地，朱古力甜味芝士味完全欠奉，食多少少已经好漏好腻，但总算试过，睇其他食评好似香芒溶心比较吸引，下次有机会先再试啦~~~
张贴
