影片
更多
2008-11-27
13 浏览
呢间店好耐好耐之前已卖广告, 都被它的juicy 多层汉堡相深深吸引.... 终于等到开业可以食到.....帮衬日期及时间: 26/11/2008 约七点半至八点一入店见到个价钱牌已吓窒, 一个包都咁贵!! 双层汉堡要$65, 三层仲要$80!! (单包价钱, 仲要冇芝士, 加一块芝士加$5); 计过要改餐的话要加多$25, 就有薯条同汽水, 心仲谂可能个包好大呢, 所以都照帮衬啦!等野食唔算话好耐, 约十分钟倒.个包唔系大, 讲真同麦记差唔多; 薯条唔算多, 讲真真系唔太抵! 不过要赞下佢杯汽水真系够哂大杯. 个人认为其实都唔使咁大杯啦, 因为正常女仔系冇可能饮得哂.个汉堡的味道跟一般食开的triple o, mcdonald 同ruby tuesday 略有不同, 比较特别, 而且肉身较林, 个人很喜欢这个味道! 不过食落非常"厘-hea", 因每咬一口就有好多汁定油定水咁bit 出嚟,搞到成手都系........... 不过要讲下个薯条(可以免费转薯圈的, 我都改食薯圈)......真系油到不得了... 除左可以见到薯圈本身已"令立立"之外, 仲可以见到个纸盒底都有大量金
帮衬日期及时间: 26/11/2008 约七点半至八点
一入店见到个价钱牌已吓窒, 一个包都咁贵!! 双层汉堡要$65, 三层仲要$80!! (单包价钱, 仲要冇芝士, 加一块芝士加$5); 计过要改餐的话要加多$25, 就有薯条同汽水, 心仲谂可能个包好大呢, 所以都照帮衬啦!
等野食唔算话好耐, 约十分钟倒.
个包唔系大, 讲真同麦记差唔多; 薯条唔算多, 讲真真系唔太抵! 不过要赞下佢杯汽水真系够哂大杯. 个人认为其实都唔使咁大杯啦, 因为正常女仔系冇可能饮得哂.
个汉堡的味道跟一般食开的triple o, mcdonald 同ruby tuesday 略有不同, 比较特别, 而且肉身较林, 个人很喜欢这个味道! 不过食落非常"厘-hea", 因每咬一口就有好多汁定油定水咁bit 出嚟,搞到成手都系...........
不过要讲下个薯条(可以免费转薯圈的, 我都改食薯圈)......
真系油到不得了... 除左可以见到薯圈本身已"令立立"之外, 仲可以见到个纸盒底都有大量金黄的油...!! 真系.... 我谂应该完全没有"鲸"过油的!!
本身唔系话要减肥, 但见到油多到咁都真系惊惊地, 结果要舖纸巾"索油", 一张纸巾唔够, 足足用左三张嚟吸..........
另外一提: 朋友话男厕污糟非常, 有点影响食欲, 我谂除左价钱和"油量", 呢方面真系要改善下!!
是日消费: 二层汉堡餐+芝士$95
张贴