青花亭 (已結業)

身为伪文青，都唔会放过可以打卡既食点，单睇食物卖相同青花器皿巳经激发起我试佢既意欲，去到现场贯彻青花瓷特色，以白色为主调既简约装修，仲有靓女侍应同厨师。讲番食物，同朋友分别叫左鲜带子蜜糖芥末杂菌意大利饭配酥皮干邑龙虾汤，刺身樱花虾乌鱼子意粉，饮品柠檬茶配蜜糖同蝶豆花白桃乳酸梳打，甜品就乳酪海滩。卖相唔洗讲，只系份量少，女士未必够食，更何况系男士，好在我keep紧，唔会食饱...个意大利饭味道还好，只系带子得两只，百几蚊碟觉得可以加番的，个饭几有咬感；至于意粉，朋友话无咩惊喜，佢仲拎富豪间中菜既樱花虾炒饭来比，搅笑！个汤酥皮正常，但唔知点解个龙虾汤好腥，唔系好惯。杯柠檬茶配蜜糖都几好饮，蝶豆花紫色就好吸睛，味道还好。最后个甜品，都系因为个样而想试，味道都可以，其中的燕麦应该焗过，好咬口，但生果份量可以再放多d。总括而言，讲餐厅装潢，舒适度，以至食物卖相都几满意，但份量同味道都有进步空间。我比较支持用心既食店，加上一个靓字，朋友巳经讲话想下次试下个蒸笼全日早餐，希望俾到惊喜我地。