影片
更多
2007-09-10
17 浏览
呢间食店前前后后师傅都黎过五六次, 但系点解而家先至有食评呢? 无他既, 师傅之前黎食既时候都未开始写食评, 到前晚先再次光顾, 都抱住好大期望黎架, 特别系蒜蓉芝士焗大头虾, 希望唔好失望咁走啦!七点几上到去唔使点等位, 地方依旧唔算宽敞, 不过都唔算太逼, 环境都尚算舒服! 两个人商量左一阵决定叫一碗火车头, 炸虾饼, 一客蒜蓉包, 一只蒜蓉芝士焗大头虾同埋两杯特饮!火车头要河粉, d 𩠌 有牛丸, 牛柏叶, 牛筋, 牛肉同埋牛腩! 话得系火车头, 份量当然有番咁上下啦, 讲下个汤底先, 汤底系用牛骨熬, 个汤好清甜好好味, 冇味精; 河粉都算几滑口, 连埋个汤一齐食确实好味; 牛丸好松好爽口, 加上好有牛肉味, 正呀; 牛柏叶一d 都唔韧, 好爽口又系冇得顶; 牛筋略嫌太硬同埋冇咩味道, 一般啦; 牛肉好新鲜好松身, 不过如果浸得鳋 个汤度太耐就会老, 冇咁好味; 牛腩都够松够腍, 唔错; 再放入生芽菜落汤度, 然后连汤河一齐食, 又爽口又清甜, 口感一流; 炸虾饼系热辣辣o岩o岩炸起, 炸得恰到好处, 唔会太硬而且一d都唔油, 又有虾味, 好正; 蒜蓉包有六件, 件件都焗到好脆
七点几上到去唔使点等位, 地方依旧唔算宽敞, 不过都唔算太逼, 环境都尚算舒服! 两个人商量左一阵决定叫一碗火车头, 炸虾饼, 一客蒜蓉包, 一只蒜蓉芝士焗大头虾同埋两杯特饮!
火车头要河粉, d 𩠌 有牛丸, 牛柏叶, 牛筋, 牛肉同埋牛腩! 话得系火车头, 份量当然有番咁上下啦, 讲下个汤底先, 汤底系用牛骨熬, 个汤好清甜好好味, 冇味精; 河粉都算几滑口, 连埋个汤一齐食确实好味; 牛丸好松好爽口, 加上好有牛肉味, 正呀; 牛柏叶一d 都唔韧, 好爽口又系冇得顶; 牛筋略嫌太硬同埋冇咩味道, 一般啦; 牛肉好新鲜好松身, 不过如果浸得鳋 个汤度太耐就会老, 冇咁好味; 牛腩都够松够腍, 唔错; 再放入生芽菜落汤度, 然后连汤河一齐食, 又爽口又清甜, 口感一流; 炸虾饼系热辣辣o岩o岩炸起, 炸得恰到好处, 唔会太硬而且一d都唔油, 又有虾味, 好正; 蒜蓉包有六件, 件件都焗到好脆, 但面包依然好松软, 蒜蓉既份量又o岩o岩好, 能够做到有蒜蓉既香但就食唔到有太多既蒜蓉, 好得; 蒜蓉芝士焗大头虾系呢度既名菜, 亦都算系全食店最贵价既菜式之一, 大头虾都算几大只, 开边黎焗加上蒜蓉同芝士, 系超好味,芝士焗到脆脆地加上香喷喷, 而蒜蓉既份量o岩o岩好, 配合埋d虾糕一齐食, 正呀, 可惜今次既虾身比较硬, 食落口更觉得鞋, 好唔新鲜, 相信系雪虾而且雪得较耐既关系, 咁样反而影响晒整道菜, 师傅觉得唔好味, 呢度真系扣唔少分架!
总括黎讲呢度大部份既美食都维持水准, 唯独个大头虾啦, 真系唔新鲜, 呢个贵价菜师傅今次觉得好唔值, 大佬八十蚊一只仲要唔新鲜, 你都咪话唔顶瘾, 系咪d虾卖唔出呢? 希望下次食既时候会系新鲜d啦! 如果唔计个虾, 呢度d食物都算经济抵食, 下次都会再黎, 再试其他菜式!
张贴
