影片
更多
2016-06-16
923 浏览
早前已经听朋友讲观塘开左一间法国南部米芝莲一星既西餐，一直都好想一试。等左个几星期，终于黎到呢一日喇间餐厅位于观塘工厂区，电讯一代中心，渣车去可以直接泊入停车场，$20一个钟，非常方便。行过去既话，地铁站大概5分钟就到，工厂区美食黎讲都算易揾易达。门面几靓几吸引，装修都几有格调。可能选址始终都唔系旺区，真系要靠口碑，加上当日系星期一，我地一去到就有位。入到去未睇到menu已经比佢其他地方吸引住，餐厅中间位置有块大玻璃，可以睇到大厨表演，好得意。我地一行四人叫左四个dinner set，starter有六个选择，main dish大概就有十款左右，丰俭由人，价钱由$1xx到$4xx都有。一场黎到，期待左甘耐，当然唔好悭啦！我同老公拣左最贵既M6和牛，同埋鲷鱼。Starter就拣左两个都要加钱既items。落左单，佢地就送上一盘面包。经典既法包做得好有水准，外脆内软，又好够麦香。再配佢地home-made既酱汁，味道好独特，口感好rich。最惊喜就系牛油酥条喇 好重牛油香，好松脆，比唔少出名饼店既牛油酥更好食。可惜，面包盘份量唔多，而且食完侍应们都无帮我地refill，呢度扣左少少分。S
早前已经听朋友讲观塘开左一间法国南部米芝莲一星既西餐，一直都好想一试。等左个几星期，终于黎到呢一日喇
间餐厅位于观塘工厂区，电讯一代中心，渣车去可以直接泊入停车场，$20一个钟，非常方便。行过去既话，地铁站大概5分钟就到，工厂区美食黎讲都算易揾易达。门面几靓几吸引，装修都几有格调。可能选址始终都唔系旺区，真系要靠口碑，加上当日系星期一，我地一去到就有位。入到去未睇到menu已经比佢其他地方吸引住，餐厅中间位置有块大玻璃，可以睇到大厨表演，好得意。
我地一行四人叫左四个dinner set，starter有六个选择，main dish大概就有十款左右，丰俭由人，价钱由$1xx到$4xx都有。
一场黎到，期待左甘耐，当然唔好悭啦！我同老公拣左最贵既M6和牛，同埋鲷鱼。Starter就拣左两个都要加钱既items。
落左单，佢地就送上一盘面包。经典既法包做得好有水准，外脆内软，又好够麦香。再配佢地home-made既酱汁，味道好独特，口感好rich。最惊喜就系牛油酥条喇 好重牛油香，好松脆，比唔少出名饼店既牛油酥更好食。可惜，面包盘份量唔多，而且食完侍应们都无帮我地refill，呢度扣左少少分。
Starter 1: 鹅肝焦糖炖蛋 +$30
呢位系第二个惊喜位，听个名已经觉得好想试，好似前菜又好似甜品既一个item。卖相好吸引，一啖入口，不得了喇！好香脆既焦糖，伴住好浓郁既鹅肝味涌入喉咙，好难忘。因为整成炖蛋既关系，成个质感好幼滑，同一大啖鹅肝入口既heavy感觉好唔同，食几多都唔觉得太重口味。
Starter 2: 法式龙虾汤 +$50
老公最钟意饮龙虾汤，去到边都要饮，食法国大餐都当然唔例外啦！龙虾汤系即制既，好热够温度。汤底好香浓，质感好厚实。而且好足料，好好多龙虾肉，好鲜甜，我都忍唔住偷饮左好多。
Main dish 1: 烧鲷鱼 ($268)
鱼肉几新鲜，有两大件，一d都唔小家。鲜鱼先煎香左再煮既，有香味，加分。反而个汁，就比较平凡，无咩亮点。
Main dish 2: M6和牛肉眼 ($458)
和牛好厚身好大件，系切件上的。每一件各都有肥瘦部分，好均匀。我地叫左medium，煮出黎岩岩好，切开仲有少少红色既汁，火候控制得非常好。处理牛扒方面，一定要赞一赞大厨！可惜酱汁同样有少少失色。牛肉有牛味，都有牛脂肪独有既香味，唔错。
成餐饭既亮点系面包篮（好高质）同starter（有创意有惊喜有诚意）。主菜其实都几好食，但实在无咩惊喜，叫做不过不失，不过都算系对得起价格（四个人$1680）。为左佢个牛油酥同starter，我会再帮衬的，希望下次主菜都可以有惊喜啦！
张贴
