回味館 (已結業)

终于等到星期六得闲，搭车去朗屏去食某群组常常推介嘅回味馆，但食完有啲失望，我就唔觉得回味了。😐首先，我自问系斯文同礼貌果只，但姐姐块面由头黑到尾😱，究竟系咪系度开工好不爽？点菜时静左一下唔知佢听到唔听到，自己系度执餐牌，隔左好一阵先问饮咩。叫左蕃茄猪扒汤米线，应该系即做的，要等，蕃茄汤底好橙色，味好浓，唔假，我钟意米线好淋好索汤，猪扒有炸过，味比较咸同少少干，猪扒、蕃茄、米线份量都颇多，个汤饮饮下觉得好咸，我有个盐度计度到盐份相当高，食完之后都好口渴。😣虽然价钱系平，但我觉得质素一般，加上黑面店员🌚，要消费为何要受气呢？