影片
更多
2022-08-01
428 浏览
前排行经大角咀附近，见到呢间新开既餐厅，于是外卖了一个酸菜鱼及菠萝咕噜肉，回家品尝，味道十分好，于是便邀约两位友人一同堂食，来品尝一下酸菜鱼及其他食物。晚市堂食叫了一个大既老坛酸菜鱼、江南四小拼、一个花胶杏汁润肺汤、一个生磨杏汁润肺汤、冰镇咕噜肉及潮式煎蚝饼。首先试了个花胶杏汁润肺汤及生磨杏汁润肺汤，两个汤既杏汁味都很浓，汤有少量瘦肉及猪肺，味道都几好，友人就比较喜欢生磨杏汁润肠汤。江南四小拼中有海蜇头、口水鸡、沙姜猪手、宫廷一口脆；宫廷一口脆食落酸酸的，猪手好淋好入味，而友人话海蜇头都好入味但就质感比平时食开既海蜇头无甘淋身，比较爽口，而口水鸡就一般，鸡肉比较鞋身。原本想叫菠萝咕噜肉，店员就极力推介冰镇咕噜肉，仲话食过第一次一定会食第二次，既然未试过，就决定试吓；冰镇咕噜肉皮脆肉嫩，味道的确几特别，不过呢个小菜成178蚊，相反菠萝咕噜肉只是88蚊就可以食到热辣辣同样皮脆，酸甜甜的肉，仲有菠萝，性价比高好多；呢个小菜，我同友人都一致认为试左一次就够了。而老坛酸菜鱼味道十分出色，呢度菜麻麻酸酸辣辣，鱼肉无腥味并十分嫩滑，而粉皮吸哂汤中既味道，十分好味既酸菜鱼，呢个就真系可以一食再食。而煎
首先试了个花胶杏汁润肺汤及生磨杏汁润肺汤，两个汤既杏汁味都很浓，汤有少量瘦肉及猪肺，味道都几好，友人就比较喜欢生磨杏汁润肠汤。
江南四小拼中有海蜇头、口水鸡、沙姜猪手、宫廷一口脆；宫廷一口脆食落酸酸的，猪手好淋好入味，而友人话海蜇头都好入味但就质感比平时食开既海蜇头无甘淋身，比较爽口，而口水鸡就一般，鸡肉比较鞋身。
原本想叫菠萝咕噜肉，店员就极力推介冰镇咕噜肉，仲话食过第一次一定会食第二次，既然未试过，就决定试吓；冰镇咕噜肉皮脆肉嫩，味道的确几特别，不过呢个小菜成178蚊，相反菠萝咕噜肉只是88蚊就可以食到热辣辣同样皮脆，酸甜甜的肉，仲有菠萝，性价比高好多；呢个小菜，我同友人都一致认为试左一次就够了。
而老坛酸菜鱼味道十分出色，呢度菜麻麻酸酸辣辣，鱼肉无腥味并十分嫩滑，而粉皮吸哂汤中既味道，十分好味既酸菜鱼，呢个就真系可以一食再食。
而煎蚝饼香脆可口，如果点鱼露略嫌太咸，蚝饼中再多少少蚝仔将会更出色，可惜蚝仔就无多，蚝壳就送咗一旧系入面，友人食得太开心，大大咬了一口，被蚝壳吉亲个娇嫩牙肉，痛得哗哗大叫了一声🙄，大大声同左店员讲，起初店员扮听唔到😑，其后友人再大大声讲两三次并指出蚝壳，店员才讲声唔好意思。
花胶杏汁润肺汤及生磨杏汁润肺汤
44 浏览
0 赞好
0 留言
冰镇咕噜肉
52 浏览
0 赞好
0 留言
老坛酸菜鱼
65 浏览
0 赞好
0 留言
潮式煎蚝饼
45 浏览
0 赞好
0 留言
张贴
