名代宇奈備長炭燒鰻魚飯專門店 (iSQUARE國際廣場) (已結業)

鳗鱼一向系本人至爱，但碍于坊间好多鳗鱼质素都参差，所以唔常系普通日本餐厅食鳗鱼饭。难得知道有间鳗鱼专门店会由日本过黎香港，一早就好期待。但讲左好耐都未系香港开舖，于是去日本时顺便试埋。老实讲日本店本身味道都系普普通通，所以我expect黎到香港都系差唔多，或者平凡质素先可以做到大众化普及。终于12月香港开左舖，去食左个双层鳗鱼丼，排队同等上菜呢d需时长好正常，话晒人地新开张又要即嗌即烧，又冇加一，仲想要求d乜？食落去除左有少量骨比较烦之外，份量同味道都好足够，个汁亦几惹味。平心而论呢度唔系鳗鱼放题或者鳗鱼buffet，d人会想食到饱一饱究竟系乜野心态？！另外叫多个天妇罗，口感都ok，作为伴菜唔错。总括成餐唔太似出面d人讲到咁衰㖞，同日本店唔差得远，但如果能够开多d舖，变得common d，得闲行过入去食既机会应该更加高。