2+2 Café (已結業)

睇哂啲评论，睇落几好。而且一个人450 有找，咁抵就book 枱试下。 3日前订位，要on waiting list, 前一日先覆实。前一日下午打黎话有位，咁当然好开心啦。先前酒店话有两个钟free parking, 我地就以为系valet parking 嘅， 但原来系自己揸落佢个地库。自己泊车当然冇问题啦 ，free 2个钟㖞。但一揸到落去就惊喇。窄就系梗架啦，但如果你架车身较低的话，就预左一定刮底。到食物质素，花旗参鸡汤，龙虾钳， 龙虾，印度咖哩牛腩，M记雪糕同埋个豆腐花系正嘅。但其他就真系唔系好得，可能啲评论讲到好正，期望高左啲，亦有可能系我唔好彩。今晚水准差啲。最后埋单仲送左coupon, 但我就唔会再黎食喇。