靠得住粥麵小館 (已結業)

每一次都要排队所以放弃尝试，今次early Dinner 时段去试，直入就坐低啦，一见到个镇店三宝嘅心肝宝贝粥（猪润加带子）就不自禁咁点咗啦。比一般粥品店嘅定价贵，点餐会比较经济，叫咗心肝宝贝粥外，点咗皮蛋瘦肉粥、肠粉、粽，另外加咗个乳鸽套餐可以配鱼汤白粥或者白饭。心肝宝贝粥大概有三旧带子，三旧猪润，粥底好香不过唔够滑，可能太大期望，但表现只系一般。乳鸽餐配白粥，乳鸽好新鲜都好有肉地，而鱼汤白粥以味道嚟讲都真系唔错。整体而言，粥都系一般水准，不过的确有几高嘅期望，性价比偏低。