My Way Homemade Pasta (已結業)

睇完J 台<揾食X团>介绍呢间餐厅，见到D食物整得好靓，D加拿大海胆又大大条再加埋龙虾汁调制，同埋D手打面望落好好味，隔住个电视都流哂口水，谂住去试一试。虽然晚饭时间嚟到全店只有三四台，不过一场嚟到都点咗个招牌海胆蛋面同埋个鳗鱼意大利饭，跟餐先上个包同埋杂菜汤，个包还可以，但个汤味道非常淡，好似汤粉开水似的。跟住到个鳗鱼意大利饭上碟，坦白讲，饭同鳗鱼的味道都算好味，但跟电视节目入面鳗鱼的size差好远，感觉上我个条极其量仲发紧育。然后到最期待的海胆蛋手打面，卖相十分吸引，但份量比较少，实在不够饱，而海胆味道还不错，另外面汁亦吃不出有龙虾汤的味道，而所谓手打面面身比较幼，味道只是一般。总括而言，广告既野不用太认真，一试作罢。