美味廚 (已結業)

响食街既美味厨己开业超过15年，有段时时间招牌排骨因质素下降无继续帮衬，事隔多年，今次再去试下： 红烧牛筋面：牛筋炆得刚好，唔会太 "淋" 或太硬，有口感，亦保持原有黏性，天然骨胶原㖞，女性恩物！ 豆浆：味道OK，唔算太甜！ 酸辣汤 + 排骨菜饭套餐：- 酸辣汤：味够酸辣，料足！- 排骨菜饭：唔可以话佢差，排骨质素确实比前段时期提升左，但无论食味及松软度都未返最佳状态既水平。10几年前一咬落件排骨度，感觉异常松软，加上佢系比较厚身，食落不但有口感，仲有好香既姜葱味，令人难忘！记得当时仲系旧装修，厨房响门口左手边，但对街窗口被贴上一层白色胶纸，阻隔客人从门口玻璃直望厨房。但我会响等位既时间用单脚企响墙身好幼既石膊，再用手摸住玻璃平衡，眼晴便可越过白胶纸高度睇下师傅煮食既情况，有一次真系见到师傅一丝不苟将猪排揼松。注：食物质素有变，但侍应们仍然嘈吵，无论为客人放食具或内部沟通，果然十年如一日不变。