Wing Wing 哋 (已結業)

睇见社交网推介，呢间系前港龙机师开鸡翼专门店，除咗鸡翼之外仲有特色罐头丼饭，即刻去试吓。舖头门面不大，设堂食及外卖自取，里边装修简单，大大个「翼来顺受」霓虹灯非常抢眼，由一位四眼哥哥负责落单，门帘内看到厨房约有四个工作人员。我选择外卖带返屋企，买咗两个罐头丼饭，姜烧豚肉饭和照烧鸡扒饭，另外试吓其中编者推介嘅焦糖威士忌鸡翼同咸蛋黄鸡翼。姜烧豚肉丼饭饭嘅分量足够，饭盒包装亦都非常新颖、吸引，要打开个饭盒就好似开罐头一样，将易拉盖扯起；饭盒温度够热，可惜完全食唔到姜汁味（一般日本食肆豚肉生姜烧系食到好香姜汁味），若果女仔细食一个饭一定可以分两餐，罐头饭内略嫌蔬菜少咗啲，有3小棵椰菜花及2小棵西兰花。至于照烧鸡扒丼饭味道不过不失。讲到鸡翼，我系抱有好大嘅期望去试，编者推介嘅焦糖威士忌鸡翼，只系食到甜味，完全食唔出威士忌嘅酒香，而所谓嘅焦糖味一啲焦香都冇极其量只可以叫做蜜糖香甜，真系觉得好失望；另外咸蛋黄鸡翼味道就够咸香，咸蛋黄炒成嘅金沙亦都做得较出色，两款鸡翼都炸得唔错，鸡翼能够保持肉汁唔会好干身，价钱亦算合理。落单时间系傍晚大概七点，人客唔多，堂食只有两位客人，外卖嘅时候大概等咗15分钟，职