Bove (已結業)

下午茶时段，专诚去试依间既鸡蛋仔。首先吸引我既系佢餐牌，有唔同口味既鸡蛋仔，有14只口味拣。另外仲有5只口味既格仔饼，同soufflé pancake。更加有卖特色饮品。今次我试左紫菜肉松鸡蛋仔 $25同朱古力soufflé pancake $30.讲下个鸡蛋仔先，即叫即整，每粒都有少少肉松，块紫菜就痴系出面。食落质感比较淋，无脆卜卜既边位，依样比较失望。食哂成旧系饱肚既，但有啲口干。再讲下个soufflé pancake, 一份有两件，即叫即整，要等20分钟先有。上面印有公司logo。一拎到就闻到少少朱古力味，但食落系唔觉有朱古力味，而且甜味都唔够。旧pancake好快漏气，扁哂外型就唔讨好。最后，对依间鸡蛋仔期望过高，或者其他味道会好啲。