金鶴拉麵 (閩街)

营业中

休息中

上次夜晚经过要排队，排左一阵店员出黎同啲人讲无咁快有位，叫人地想食就去土瓜湾啦，舖头最多位😑咁当然佢咁既态度我就梗系无再等。最近见ig好多人写佢好好食，咁啱今次下昼黎到见到无咩人就打算入去试下。叫左个最出名既鸡白汤拉面 ($98)，有一大束炸牛蒡，炸得几脆，都几特别。奶白色汤底浓郁，一块叉烧，两块鸡肉，肉质都唔会嚡口，面质系软硬度适中。辛味拉面 ($88)有辛辣香料，不过唔算好辣，整体不过不失啦。其实就唔算贵，不过太多人吹捧到好好食，又成日有人排队令我期望好高，可能比普通拉面店好食少少，不过都未必想再帮衬。