Izumi Curry (已結業)

之前成日系开饭网睇到其他人话呢间既咖哩有几特别，又见有唔少既杂志报导过，一直都心思思想试下。终于琴日揾到时间出尖沙咀，就顺便走去试下佢既咖哩系咪真系咁好味。我就叫左个杂菜咖哩饭二分辣，家姐就叫左个蕃茄奄列饭一分辣。食完之后，我净系觉得同平时食开既日本咖哩的确系有D唔同，但系话好食又算唔上，只系唔系我钟意既类别。同埋我既二分辣一D都唔觉辣既，食食下都唔记得自己叫左咖哩黎食，搞到我原本充满期待咁黎都愈食愈失望。而且我愈食就愈觉得个咖哩好咸，好似净系得个咸字咁。成碟饭唯一可取既地方就系有好多唔同种类既蔬菜，都食得出系新鲜既。家姐既蕃茄奄列饭，冇食过，所以不予置评。但系我家姐都话个咖哩系好咸同埋一分辣系唔觉辣既。而且佢话食落觉得好大阵药材味，之后成日个口都会无神神有D药材味涌返上黎，俾我笑左好耐。总括黎讲，想试既都可以去试下既，但系我同家姐就唔会再试啦，因为唔岩我地口味同埋偏贵。