Chateraise (太古城中心) (已結業)

收左工行下Apita, 之前见新开张太多人排队所以冇买到，今日见少左好多人所以试一试。总共买左两件蛋糕，分别系千层蛋糕($35)同埋蒙布朗($25)首先千层蛋糕比较干身，cream都比较少，底层有海绵蛋糕，但都比较干，期望佢嘅cake皮会比较有蛋香，但食落完全冇蛋香味，所以唔合格，唔太明点解可以系全店NO.1另一件系蒙布朗，外面嘅栗子蓉过分地甜而冇栗子味，相反入面有栗子粒，反而仲好食，仲有栗子嘅甘香，所以都系一般般，冇下次。顺带一提，蛋糕有提供干冰，唯一加分位，不过包两件蛋糕就等左颇为耐，所以麻麻地。