FANFAN Café (已結業)

星期六去旺角，去亲边度都劲多人等位，谂住去呢间小小CAFE试下，见佢装修都ok所以咪入去试下啦!!入到佢既装修都ok，仲见到有鬼佬鬼婆食，应该唔会死得人啦，点知....见两个人都唔系好肚饿，所以叫左一个set dinner同多一个头盘食就算喇!!set dinner ($98)：头盘有烟火腿车厘茄沙律::: 烟三文鱼卖晒，所以唯有食烟火腿。所谓既火腿只不过系普通过唔普通既火腿；而车厘茄都只不过系普通过唔普通既蕃茄;最惨既系沙律菜又碎又冇味...餐汤有罗宋汤::: 味道都ok，足料；但个面包又硬又冻...主菜系烧羊架:::个汤都未饮，个主菜己经上左，试问仲点会好食得去边?!照计间舖又唔系大，叫厨房迟少少先煮都得啦!! 羊架我叫7成熟，但一切就己经知道系well done；食落口，只不过系点左少少汁，但己经咸都死，如果唔系点左mint sauce，简直完全攞唔到落口!! 而配菜有蔬菜同焗薯，不过不失啦!!额外叫多左个烟鸭胸炒杂菌，杂菌好重牛油味，都ok，但个烟鸭胸如果唔系见到块鸭皮既话，仲以为系烟火腿添!!!甜品最经典- 港式既芒果糯米糍!!!上枱既时候完全吓一跳，我宁愿你去买过牛奶公司雪