影片
更多
2013-09-25
629 浏览
继上次去咗九龙湾嘅「Ramen Champion」后，今次就同朋友嚟翻比九龙湾更早开嘅佐敦店，同九龙湾一样入面都系有好几家唔同从日本而来嘅拉面店，每家都各有唔同特色嘅拉面，今次我试嘅就系「北海道毘沙门零」。同样一入场时工作人员会先比一张电子卡，然后就可以用佢去叫嘢食。绿茶 系自己去水吧到拎，场内亦有免费Wifi供应，不过当时我连线后上唔到网。购买后唔使企系到等，翻去坐著等「Call机仔」响就拎得，正！札幌味噌特制拉面 $88 配料好多，面层有大量粟米、荀条同芽菜，叉烧份量都绝唔孤寒，有成4块，虽然张相睇唔到，但其实仲有半只半熟蛋。汤头浓稠，入口有浓郁味噌味，不过食得耐就觉得略咸。面条系普通直身面略带曲，比较硬身，算系烟韧，不过挂汤能力一般，整体面条质素普通，但肯定唔系几间中最差。叉烧唔系常见嘅圆卷型，改用直身叉烧，边位烧得带点焦，肥脂偏少一点，所以食起嚟有啲硬同干，味道都比较淡。荀条 $10 半熟蛋 $10 特色明太子煎饺 $38因为之前系「Ramen Champion」食过其他拉面铺，唔少拉面都系无荀条同半熟蛋，所以今次就另外追加咗，点知聪明反被聪明误，原来个面系包埋。荀条质素唔错，
同样一入场时工作人员会先比一张电子卡，然后就可以用佢去叫嘢食。
绿茶 系自己去水吧到拎，场内亦有免费Wifi供应，不过当时我连线后上唔到网。
购买后唔使企系到等，翻去坐著等「Call机仔」响就拎得，正！
札幌味噌特制拉面 $88
配料好多，面层有大量粟米、荀条同芽菜，叉烧份量都绝唔孤寒，有成4块，虽然张相睇唔到，但其实仲有半只半熟蛋。汤头浓稠，入口有浓郁味噌味，不过食得耐就觉得略咸。面条系普通直身面略带曲，比较硬身，算系烟韧，不过挂汤能力一般，整体面条质素普通，但肯定唔系几间中最差。叉烧唔系常见嘅圆卷型，改用直身叉烧，边位烧得带点焦，肥脂偏少一点，所以食起嚟有啲硬同干，味道都比较淡。
荀条 $10 半熟蛋 $10 特色明太子煎饺 $38
因为之前系「Ramen Champion」食过其他拉面铺，唔少拉面都系无荀条同半熟蛋，所以今次就另外追加咗，点知聪明反被聪明误，原来个面系包埋。荀条质素唔错，好浓嘅荀味，而且无咩渣。反而半熟蛋真系失色咗少少。不过最失望嘅都系「特色明太子煎饺」，虽然煎得底皮香脆，个样几靓，不过味道一般，明太子酱汁无想像中好味，比起上次我系「无限大」食嘅煎饺大为失色。
因为觉得自己叫嘅好一般，所以见到朋友喺「超男」叫嘅沾面就好想食，成程望著佢！
张贴
