Ufufu Cafe (已結業)

由佢未开正式开张𠮶日已经发现咗佢，好想亲临。可惜屡次阴差阳错，而家已经开咗成年先至逼到老公陪我嚟。我哋系嚟食晚餐嘅，佢个Menu唔系剩系得雪糕，热食都有。例如Pizza，饭，Pasta ,汉堡扒等等等等。所谓一般嘅大路嘢。我哋叫咗一个咖喱牛脷蛋饭，明太子豆腐，当然仲有一杯雪糕芭菲啦。先嚟个咖喱饭，讲真味道真系非常之一般。咖喱汁好稀，缺乏左咖喱汁嘅浓香。旧牛肉都系一般般啦，唔系乜嘢贵嘅肉。蛋都非常之平凡。唔难食，不过亦冇乜惊喜。反而个明太子豆腐几惹味压继就当然系我嚟嘅主要目的：雪糕芭菲拣咗士多啤梨奇异果3.6牛乳𠮶只。原来个非常之壮观嘅雪糕Menu另外3/2嘅选择都系普通嘅雪糕球或者Frozen yoghurt。同个饭一样，只可以话：唔难食。:又一样非常之普通嘅食物。亦唔觉得佢哋声称用咗嘅3.5牛乳特别香滑。街边雪糕车𠮶啲好似仲好食。呢间野睇嚟都系冇下次，间野摆到明系俾一班年青嘅靓仔靓女或者啲拍近拖嘅中学生/大学生。可能我同老公已经年纪大，18 , 22嘅年青人或许会俾我哋更加识得欣赏。