英皇紅酒扒房 (已結業)

公司请食饭，有同事试过晚餐好食所以拣左呢间餐厅。因为𠮶个同事话佢之前嚟呢度食觉得几好嘅，所以我对佢嘅期望都几高。先黎左个忌廉南瓜汤，我觉得都OK嘅，南瓜味都几香。我哋差唔多个个都叫左牛扒。不过质素似乎就麻麻哋啦...侍应话唔特别order嘅话就系5成熟，咁我哋就全部人都叫咗五成熟就算啦。啱啱收到块牛扒嘅时候，切开个便便都觉得OK㖞，都做到5成既效果。但继续食落去嘅时候就会发现其他地方可能有七成甚至全熟，唔知系因为火力唔平均定块牛扒厚薄唔一致。然后我发现原来我已经系比较好彩𠮶一个，有同事成块牛扒最少都起码七成熟至全熟，嚼到好似嚼香口胶咁..不过我觉得系有牛味既，唔系果d用唔知咩粉拿到冇晒味既牛排咁。所以我谂系应该系厨师嘅问题唔系食材嘅问题。另外个薯蓉，我有同事觉得佢系喺超市度买到嘅粉沟出嚟既，不过我就食唔出，净系觉得几滑同埋香既，我觉得几好食😂正常薯蓉嘅水准。