山下菓子 (如心廣場) (已結業)

身为大口仔死忠粉既我见到香港有大口仔联乘既CAFÉ，紧系第一时间冲去🏃🏻。入到店既大口仔装饰唔算好多，但都有几个打卡位🤳🏼。消费方面，餐厅就有订立左好多规矩同加一前个人最低消费，详细就系点餐前俾埋你，大家自己留意⚠️。大饱口福套餐 $149 (他他酱吉烈猪扒丼˙冻山下水果茶) + 10%吉烈猪扒🐷炸得脆，但外皮油左少少而且同肉分离，肉质比较鞋身。珍珠米🍚就干左少少，日式咖哩汁普普通通🍛，偏咸无咩辣劲，都无其他好似薯仔个啲配料。另外附埋个他他酱，我觉得点猪扒合适啲，无咁咸相对地。饮品方面唔算好甜，百香果味出众啲，🍊🍎鲜果味唔算太丰富。拿破仑配MOVENPICK雪糕球 $108 + 10%拿破仑饼底唔太似平时法式甜品烤到黄金既酥脆底，佢更似细个成日食Vicenzi个只牛油酥🧈，食落粒粒糖仲系表面，胀得高身比较系酥化。而吉士就比较甜，无咩Vanilla味。雪糕球是日系芒果味🥭，入面仲食到果肉整体味道就一般，有正常Menu供应，但就无大口仔纪念品换领❌。不过大口仔菜式唔够吸引，如果更有心思就好🥺。