茶狼 (已結業)

茶狼popup完一轮，开始陆续多分店，原本兴趣不大，不过最近见唔少人分享，衬桃当造时节，茶狼都赶上推出桃茶，成功吸引左我。桃嘅手摇杯我只系试左喜茶同一间已经执左嘅本地茶饮。难得过海，就去会一会狼。中环店位于扶手电梯附近天桥口，位置便利。假日关系，约莫有十人排队，仲有好多游客，见人排又走去排下餐牌供应果茶、芝士奶盖茶、冰滴茶、冷泡茶等，定价$22-48，一律大杯装。难得见到有饮品店系冲泡比买飞快，一来收银店员唔够效率，二来一部份人系埋到位先慢慢谂买乜，再慢慢攞钱。所以我净系等买飞都差唔多十分钟，反而等左一阵就拎到饮品。日本山梨县鲜桃奶盖茶 $45用日本山梨县鲜桃制作，属于限定产品，鲜桃系列可配四季春或奶盖茶，相差两蚊。奶盖质地稠身，底层为桃汁，而非沙冰底，所以倒入奶盖后，都会快速向下流，承托唔到奶盖。庆幸我呢杯都算整得几靓仔，分层明显。纯奶盖除左有奶香，都会有少少咸味，可能我饮开喜茶产品，相对之下呢个已经系正常咸，算系香港饮过合格嘅奶盖桃汁确实香甜，糖水感唔重如果买杯桃茶唔甜，你又话唔抵啫，哈哈，真系好怕甜又要饮嘅就建议少甜啦。认同茶味较弱，不过都系预期之中，又不至于话弱到完全感觉唔到，