奈良上釜 (已結業)

话说，A姐去完澳洲话要减肥，不过我无见佢食少咗嘢啰！仲话突然好挂住铜锣湾奈良上釜嘅鲜味釜饭，就算有碳水化合物都值得！今次我哋叫咗期间限定嘅樱花虾樱鲷𩽾𩾌鱼肝釜饭同奈良七盛釜饭。两个套餐都跟茶碗蒸、冷豆腐配日式胡麻酱同白萝卜渍物。豆腐嫩滑，豆味浓郁，同日式胡麻酱好夹，加埋木鱼碎，非常开胃；茶碗蒸十分足料，有虾、蟹肉、三文鱼籽、冬菇、黑松露同鸣门卷，口感丰富，鲜味满足！樱花虾真鲷𩽾𩾌鱼肝釜饭薄切真鲷刺身，师傅刀法高超，真鲷薄薄一片，点埋柚子醋，好清新！套餐仲有煲到奶白色嘅鲷鱼汤，鲜甜美味，仲有元贝同滑豆腐，无得弹！今晚嘅主角终于到啦，一打开釜饭，蒸气马上喷出嚟，好香呀，真系流晒口水！里面有真鲷、𩽾𩾌鱼肝同埋樱花虾！先将真鲷夹起，就将𩽾𩾌鱼肝、樱花虾同饭拌匀，再放入饭碗中慢慢品尝！真鲷肉质鲜嫩，入口鲜甜！食到最后，唔好miss焦味十足嘅饭焦呀！奈良七盛釜饭奈良釜饭配三色刺身，带子厚肉鲜甜；三文鱼肥美油脂重；赤海虾弹牙清甜。奈良七盛釜饭同样原锅上枱，揭开木盖，阵阵鲜味！有蟹肉、海虾、鲍鱼、三文鱼籽、冬菇、白木菇同三叶！海虾爽口弹牙；鲍鱼鲜嫩弹牙；蟹肉清甜。（记住Like同Share畀朋友）By