一風堂 (希慎廣場) (已結業)

星期日，同阿女拍拖两个人嚟食拉面，好耐冇嚟过一风堂，因为佢唔算系最出色，有其他拉面店好食过佢。但系今日唔知点解突然间好想食佢，所以就同阿女上嚟，入到嚟环境好舒服，有超级大玻璃窗，彩光充足，坐得好舒服。喺门口见到个期间限定海老豚骨拉面已经吸引咗我眼球，确定咗唔辣之后(因为同亚女share)就落单👍🏻完全冇悬念拉面一上枱，同图画冇太大分别，汤底系浓厚龙虾汤，加埋秘制海老香油，有一只香煎虎虾，樱花虾，特制海老味噌，两块叉烧，火箭菜，半熟蛋。叉烧可以选择猪柳肉，猪腩叉烧，或者炙烧猪腩叉烧。汤底非常浓厚，充满龙虾味，爱虾人士非常值得一试。虎虾亦都煎得非常之香，冇Hea你。成碗面嘅每一样嘢都充满虾味，谂起都再想返嚟食。其他拉面店都有虾味嘅汤底，呢度嘅汤底系最浓厚，偏向似西餐嘅lobster bisque，如果你偏向冇咁浓嘅，咁另外果几间虾味拉面店可能会更适合你。