甘味讚岐手打烏冬 (已結業)

今日我哋去咗位于将军澳新都城中心的甘味赞岐乌冬专门店，呢度有一个期间限定的海胆刺身盛配冷荞麦面$138 ，仲有一杯原粒红豆冰跟埋，于是就决定叫呢一个套餐！呢个荞麦面非常特别，荞麦面上铺满蟹子、牛油果、紫菜碎、青瓜丝等等，只要淋上冷面汁，拌一拌就食得，感觉十分清新，而且呢一个套餐仲有海胆刺身盛，海胆鲜甜唔苦涩味，仲要一板上，好creamy， 我仲有三文鱼、甜虾、北寄贝、玉子、蟹柳等！呢个餐嘅红豆冰非常多红豆，唔使加钱就有得饮，好抵！另外仲叫咗一个乌麻淮山便当，便当虽然冇嘢饮，但系有面豉汤，面豉汤内有海带，呢个便当分成四部份，一格系蟹子沙律，一格系寿司四盛，一格系刺身，一格系主菜豚肉芽菜萝卜丝，另外仲会跟一个汤乌冬，可以将个主菜放上乌冬上面食！