金鶴拉麵 (荷李活道) (已結業)

平时好钟意食蚝既我，见到金鹤拉面出咗只期间限定嘅蚝汤拉面加埋烧生蚝就再出个朋友收工去试吓。个set系（$198）入边有碗拉面同加埋两只烧生蚝。个拉面汤好浓好好味，特别一赞嘅系佢比起猪骨煮出嚟嘅汤更加有鲜味。面底嘅面系比较幼身，我就特别钟意呢一种面嘅粗幼。因为我觉得幻面可以挂汤挂多啲，食落都好味啲。👍 蚝汤拉面入面有紫菜同埋叉烧，紫菜仲系好脆好正。而且个set仲包左两只烧嘅生蚝，呢个烧生蚝超级新鲜。上面铺咗啲芝士一齐烧，但系就冇抢到蚝既鲜味。真系唔错👍至于朋友就叫咗个鸡白汤沽面（$138），𠮶啲沾面汁真系有浓郁嘅鸡味😍。而且鸡肉都十分嫩滑，肉质无煮到好老非常紧要👍鸡胸肉都煮到呢个质素真系值得一赞。沾面我朋友都话唔错，我下次嚟都可以试吓呢一个先。小食方面，我就叫咗个唐扬炸鸡（$38）。炸鸡啲炸粉冇整到好厚，所以入边啖啖肉。而且入边啲肉汁都仲喺度，唔会炸到干晒。配埋啲拉面一齐食好快就俾我哋K.O.咗啦。金鹤拉面呢个期间限定真系唔错，钟意食蚝嘅朋友仔可以试吓。