炑八韓烤 (MegaBox) (已結業)

📍依家炑八韩烤出咗期间限定嘅鱿鱼游戏套餐！门口仲有打卡位好得意，叫佢嘅限定套餐($758)仲会有贴纸同埋2024嘅年历送。套餐入面包哂猪牛鸡同海鲜，啲肉基本上都已经腌过晒，就咁食已经好够味。牛肉有几款包括外裙肉、和牛牛肋条同月见牛腹肉，牛腹肉烧完再点埋隔离嘅烧汁蛋液，有啲似食寿喜烧嘅感觉！新鲜鱿鱼原条烧完之后再剪，口感弹牙新鲜。仲有五花肉、鸡肉同埋鳕鱼肉等，真系唔惊唔够饱！仲有得无限refill前菜、芝士粟米同泡菜蛋。椪糖曲奇雪糕($38)又可以玩又可以食！玩完个饼干就食雪糕🍦系云呢拿味仲有埋士多啤梨粒！另外叫咗两杯红灯沙冰同绿灯沙冰($48)，系几colourful不过味道就甜咗啲。